En prumèr lòc exprimir er immens sentiment de gratitud entà tota era gent que mos an acompanhat en aguesti moments tan tristi e que tant an demostrat eth sòn afècte e respècte ath mèn pair e era nòsta familha.
Coma solie díder eth men pare en es sòns darrèri dies: “que cau partir”. Siguec ua malautia fòrça longa e crusèla era que s’emportec a Jose María, encara que eth en cap moment perdec era esperança ena sua luta e la sostenguec enquiath darrèr sospir. Guanhèrem totes es batalhes que liurèrem contra eth càncer, mès ara fin perdérem era guèrra.
Eth sòn esperit tostemp serà ena montanha deth Pontet, en es nòsti lòcs secrèti a on tanti ceps auiem trapat, en sòn estimat huart e en tanti auti lòcs dera sua estimada Val. Mès sustot tostemp restarà viu en es còrs de tanta e tanta gent que l'estimaue e qu'atau ac demostrèren. Mentre toti plegadi mantenguam er rebrembe ena nòsta memòria, eth mèn pair contunharà viu.
"Ia" Ère ua persona de fòrtes conviccions e principis, un senhor d'ua integritat encomiable, d'ua simpatia innata e qu'ère erós damb es petites causes deth dia a dia. Mes çò de mès destacable siguec eth voler ajudar tostemp ara gent des des sues diuèrses facietes, tant des des sues responsabilitats publiques coma des des sues desparières faenes personaus e professionaus, en definitiva un senhor, ua bona persona e un melhor pair. Ère d'aquera classe de gent, cada dia mès escassa, que pas les importaue d'a on venguie cadun, senon entà on anauen.
Ère un òme qu’estimaue a Aran, a Vielha e ath Passeg a on passèc era sua sacrificada mès erosa vida.
Mès çò de mès important pas ei tot eth ben que realizèc ath long dera sua massa cuerta encara que plea vida, senon tot çò que li demoraue per hèr e aportar ath nòste país e ara sua gent. Entre d'autes causes gaudir deth sòn arrèhilh qu'ère era major illusion qu'auie.
En nòste còr tostemp demorarà er auer-li acompanhat pendent aguesti dus ans e ueit mesi de luta contra aguesta crusèla malautia e era satisfaccion d'auer estat damb eth enquia eth sòn darrèr sospir amassa damb fòrça dera gent que estimaue.
De vertat vos digui qu'eth uet qu'a deishat ei immens e jamès poderà èster aumplit de nau, encara que toti es que la estimerem sajaram de satisfèr-li pr'amor que sabem que des d'aguest lòc a on ei e qu'ei ath que van es bones persones se senterà erós e capinaut deth legat morau qu'a deishat.
De part de José Maria m'agradarie dar es mercés a toti es doctors, infermières, auxiliars e d’aute personau des espitaus que tan plan mos acuelheren pendent aguest temps. Tanben arregraïr ad aguesti amics incondicionaus que tant mos ajudèren e acompanhèren.
Me shautarie díder fòrça mès causes sus aguesta grana persona, mès creigui que toti es que la coneishéretz pas auetz de besonh que vos explique era classe de cavalièr que mos a deishat, atau qu'entà dà-li un comiat vos dèishi damb uns pòqui vèrsi des deth còr.
Que cau partir,
Non te cau patir,
Te demoram en Pontet
A on james seras solet.
2 comentarios:
De toti es escrits qu'as hèt pendent aguest temps, sai segur qu'aguest a estat eth mès dificil,eth mès dur, mès tanben eth que mès t'a amplit, coma t'a d'amplir era tranquilitat de saber qu'as disfrutat d'eth enquiath darrèr moment, (pr'amor qu'es maus moments tanben amplissen sabent qu'es causes s'an hèt coma ua persona coma ta pare se mereishi, ath sòn costat). E qu'aquera tranquilitat t'amiarà tostemps ath sòn rebrembe positiu que mos seguirà daurint camins a toti, simplament seguint eth sòn exemple de víuer disfrutant de tot e de toti.
Ei polit morir quan s'a sabut víuer tan pliament.
Como bien dices, siempre estará presente en nuestra memoria. Tu y yo hemos tenido la suerte de tener padres de férreas convicciones y eso nos llevará siempre a tener y mantener las nuestras, pase lo que pase. Y, siempre, con la cabeza alta y pudiendo mirar a todo el mundo a los ojos. No te preocupes, que estará bien acompañado y tendrán tiempo de hablar y compartir ideas, que es algo que les gustaba mucho.
Publicar un comentario