Memòria Istorica.

Vau era pena campar entà darrèr e veir a on ei er origen des problèmes entà deishar ben clares es conviccions, posicions e idèes de cadun.
D'a on ven eth problèma de que aué se mos volgue includir laguens dera Vegueria deth Alt Pirenèu?
Donques plan facil:

"Article 3 dera Lei d'Aran.
Era Val d'Aran non pòt restar includida ne cap division territoriau pròpria de Catalonha que non sigue era madeisha. En aqueri casi eth qué era descentralizacion dera Administracion dera Generalitat hèsque convenenta qu'era Val d'Aran s'intègre en era demarcacion de delegacions o de servicis territoriaus d'encastre supracomarcal, aguesti les cau incorporar en era sua denominacion era dera Val d'Aran."

Aguesta siguec era prepausa qu'aprovèc Convergencia damb era oposicion dera resta de grops representadi en Parlament de Catalunya.
Aguesti grops dera oposicion prepausauen aguest aute redigit:
"Era Val d'Aran non pòt restar includida ne cap division territoriau pròpria de Catalonha que non sigue era madeisha."
Vau era pena tamben arrebrembar es paraules dera alavetz Deputada e posterioraments Sindica Pilar Busquets de CDA entà deféner era postura Convergenta:

En çò que tanh ath segon paràgraf der article 3, eth mèn Grop parlamentari entén que mantíer sonque eth prumer cornportarie qu’era descentralisacion dera Administracion dera Generalitat aurie de crear ena Val d’Aran tot tipe de delegacions e servicis territoriaus parallelament entara Val d’ Aran, qu’açò tanben cornportarie era duplicitat burocratica e administrativa, que, per un aute costat, adreçada a ua poblacion tant petita, dilhèu non serie guaire efectiva. Aguesta Diputada que les parle considère, e eth mèn Grop parlamentari tanben ac entén atau, que damb era generositat que se contemple en article 20 deth Projècte, qu’especifique es competéncies e eth financament deth Conselh Generau, entara Val d’Aran ei mès positiu que tota era descentralisacion administrativa, que ara longa, per rasons òbvies, tanben seria ua carga entàs aranesi.

Ja ac vedetz, es qu'ara vòlen dar leçons de nacionalisme son es que mos meteren en aguesta situacion.
Visca era ipocrisia!