Era naua politica d’Aran.

Se bèra causa m’a estonat pendent aguesti 4 ans, ei que quauqui politics presumisquen d’auer hèt inversions milionàries damb es sòs de toti.
Era majoria dera gent qu’amie un negòci o ua economia domestica, çò de qu’estam preocupats ei d’estauviar. Per exemple: non coneishi a d’arrés que presomisque de que s’a crompat un ordenador que li a costat 2.000 euros, quan en d’auti lòcs pòs trapar çò de madeish per 300 euros. Mès semble qu’eth merit mès important ei hèr a hóner sòs: “ auem invertit 2 milions d’euros en infraestructures” en condes de díder “Mos auem estauviat 2 milions d’euros e auem hèt eth projècte realitat”.
Donques qu’ara entram en ua naua etapa en que çò que mos cau ei boni gestors des nòsti sòs, e non pas coma enquia ara que ath dessús se creiguien que les apartiege aguesti recorsi.
Rèsten encara dus mesi entà es eleccions, toti vosati auetz ena man era decision sus qui va a gestionar es vòsti sòs d’ua manèra mès eficient, o ei que a vosati vos agrade deishar-les es sòs a ua entitat que vos regale ua ola que jamès haratz servir e que ath dessús vos hèsque a pèrder sòs?